Parque Natural do Xurés. O Xurés a Medida

galego - castellano

M. 22º C
m. 15º C

Fondos, postais, salvapantallas...

folletos, rutas, guías de recursos...

Carta Europea de Turismo Sostible

O Parque Natural Baixa Limia-Serra do Xurés foi acreditado no 2008 coa Carta Europea de Turismo Sostible (CETS) da Federación Europarc.

¿Que é a Carta Europea de Turismo Sostible (CETS)?

É un método para a implantación de principios de turismo sostible nas áreas protexidas (AP).

¿Como foi concibida a CETS?

A partir dun programa LIFE da UE (1996-1999) promovido, en nome de Europarc, pola Federación Francesa de Parques Rexionais e Naturais.

Cales son os 10 principios da CETS que se deben acadar traballando en conxunto, preparando e implantando unha estratexia, dando resposta ós temas clave de calidade e conservación e de sostibilidade e desenvolvemento:

1- Implicar a tódalas partes relacionadas co turismo na AP e o seu entorno, no desenvolvemento e xestión do territorio.

2- Preparar unha diagnose, elaborar e aplicar unha estratexia de turismo sostible e un plan de acción para a AP.

3- Protexer e promociona-lo patrimonio natural e cultural da zona para o turismo e co turismo, evitando un desenvolvemento turístico excesivo que puidese poñer en perigo a súa conservación.

4- Ofrecer ós visitantes unha experiencia de alta calidade en tódolos aspectos.

5- Proporcionar información adecuada ós visitantes sobre os valores especiais da zona.

6- Proporcionar produtos turísticos específicos que permitan ós visitantes descubrir, comprender e establecer unha relación co territorio.

7- Amplia-los coñecementos sobre a AP e os temas de sostibilidade entre os actores relacionados co turismo.

8- Garanti-la mellora da actividade turística sen reduci-la calidade de vida da poboación local.

9- Aumenta-los benefizos do turismo para a economía local.

10- Controlar e influír sobre os fluxos de visitantes para reduci-los impactos negativos que poidan xerar.

ver plan de acción [ES]